Royal Enfield Shotgun 650: മോട്ടോവേഴ്‌സ് 2023-ൽ കസ്റ്റം ഷോട്ട്ഗൺ 650 അവതരിപ്പിച്ചതിന് പിന്നാലെ, റോയൽ എൻഫീൽഡ് ഇപ്പോൾ പ്രൊഡക്ഷൻ-സ്പെക്ക് ഷോട്ട്ഗൺ 650 അനാവരണം ചെയ്തു.
ബാർ-എൻഡ് മിററുകളോടുകൂടിയ ഒരു ഫ്ലാറ്റ് ഹാൻഡിൽബാറും മിഡ്-സെറ്റ് ഫുട്‌പെഗുകളുമായാണ് റോയൽ എൻഫീൽഡ് ഷോട്ട്ഗൺ 650 യുടെ വരവ് . കറുപ്പിച്ചും അല്പം മുകളിലേക്കും വളഞ്ഞിരിക്കുന്ന ട്വിൻ പീഷൂട്ടർ എക്‌സ്‌ഹോസ്റ്റുകളും ഇതിന് ലഭിക്കുന്നു. ക്ലാസിക്ക് ബോബർ രീതിയിൽ, ഒറ്റ സീറ്റും ചുരുക്കിയ പിൻ ഫെൻഡറും ബൈക്കിനുണ്ട്.
റോയൽ എൻഫീൽഡ് സൂപ്പർ മീറ്റിയർ 650-യെ അടിസ്ഥാനമാക്കിയാണ് ബോബർ നിർമ്മിച്ചിരിക്കുന്നത്, 650 സിസി പാരലൽ-ട്വിൻ സിലിണ്ടർ എഞ്ചിൻ പോലുള്ള ക്രൂയിസറുമായി ധാരാളം ഭാഗങ്ങൾ പങ്കിടുന്നു. എന്നിരുന്നാലും, ഷോട്ട്ഗൺ 650-യുടെ ക്രാങ്കേസിലെ റോയൽ എൻഫീൽഡ് ലോഗോ വ്യത്യസ്തമാണ്.
ഇൻസ്ട്രുമെന്റ് കൺസോൾ വളരെ ഭംഗിയായി മറയ്ക്കുകയും ഓരോ വശത്തും റൗണ്ട് ടേൺ ഇൻഡിക്കേറ്ററുകൾ ഘടിപ്പിച്ചതുമായ LED ഹെഡ്‌ലൈറ്റ് ഷോട്ട്ഗൺ 650 ക്കു വ്യത്യസ്തമായ ലുക്ക് നൽകുന്നു.
സൂപ്പർ മീറ്റിയർ 650-ൽ കാണുന്നതിന് സമാനമാണ് ട്രിപ്പർ നാവിഗേറ്ററോടുകൂടിയ ഇൻസ്ട്രുമെന്റ് കൺസോൾ. സ്റ്റെൻസിൽ വൈറ്റ്, പ്ലാസ്മ ബ്ലൂ, ഗ്രീൻ ഡ്രിൽ, ഷീറ്റ്‌മെറ്റൽ ഗ്രേ എന്നീ നാല് കളർ ഓപ്ഷനുകളിൽ ഷോട്ട്ഗൺ 650 ലഭിക്കും. ബൈക്കിന്റെ താക്കോലിന്റെ സഹായത്തോടെ നീക്കം ചെയ്യാവുന്ന ഒരു പില്യൺ സീറ്റും റോയൽ എൻഫീൽഡ് വാഗ്ദാനം ചെയ്യുന്നു.
648 സിസി, എയർ-ഓയിൽ കൂൾഡ്, പാരലൽ-ട്വിൻ എഞ്ചിൻ, 47 പിഎസ്, 52.3 എൻഎം ടോർക്ക് എന്നിവ നൽകുന്ന ഷോട്ട്ഗൺ 650, 6-സ്പീഡ് ഗിയർബോക്‌സുമായി ഘടിപ്പിച്ചിരിക്കുന്നു. ഷോട്ട്ഗൺ 650-യുടെ പ്രഖ്യാപിത മൈലേജ് 22 കി.മീ. 13.8-ലിറ്റർ ഇന്ധന ടാങ്കാണ് ഷോട്ട്ഗൺ 650-ന് ലഭിക്കുന്നത്, ഇത് സൂപ്പർ മീറ്റിയറിനേക്കാൾ 1.9 ലിറ്റർ കുറവാണ്.
43mm വലിയ പിസ്റ്റൺ ഷോവ ഫോർക്കും 120mm വീൽ ട്രാവലും 5 സ്റ്റെപ്പ് പ്രിലോഡ് അഡ്ജസ്റ്റ്മെന്റും 90mm വീൽ ട്രാവലും ഉള്ള ട്വിൻ റിയർ ഷോക്ക് അബ്സോർബറുകളും ഉള്ള പ്രത്യേകമായി ട്യൂൺ ചെയ്ത സസ്പെൻഷൻ സജ്ജീകരണമാണ് ഷോട്ട്ഗണ്ണിൽ വരുന്നത്.
320mm ഫ്രണ്ട് ഡിസ്ക് ബ്രേക്ക്, 300mm റിയർ ഡിസ്ക് ബ്രേക്ക്, ഡ്യുവൽ-ചാനൽ ABS എന്നിവയാൽ ബ്രേക്കിംഗ് കൈകാര്യം ചെയ്യുന്നു. 18 ഇഞ്ച് മുൻവശത്തും 17 ഇഞ്ച് പിൻവശത്തും 100-സെക്ഷൻ മുൻവശത്തും 150-സെക്ഷൻ പിൻവശത്തും ട്യൂബ്‌ലെസ് ടയറുകളിൽ ലഭിക്കുന്നു.
ബോബറിന് 240kg കേർബ് വെയ്റ്റ് (സൂപ്പർ മീറ്റിയറിനേക്കാൾ 1kg മാത്രം കുറവ്), 795mm സീറ്റ് ഉയരം (സൂപ്പർ മീറ്റിയറിന്റെ സീറ്റിനേക്കാൾ 55mm ഉയരം), 140mm ഗ്രൗണ്ട് ക്ലിയറൻസ് (സൂപ്പർ മീറ്റിയറിനേക്കാൾ 5mm അധികം) എന്നിവ ലഭിക്കുന്നു.
2024 ജനുവരിയിൽ 3.5 ലക്ഷം രൂപ (എക്സ്-ഷോറൂം) വിലയോടെ ഷോട്ട്ഗൺ 650 പുറത്തിറക്കുമെന്ന് പ്രതീക്ഷിക്കുന്നു.
